（呢篇真系唔系廣告貼，所以會隱去所有品牌名）
雪糕雪條系每年夏天嘅主角，承包咗夏天嘅所有涼意。
當然，廣州雪糕之中嘅王者必然系X羊，近年X羊致力于創(chuàng)新，推出咗好多新奇（又幾古怪）嘅味道。
不過我覺得，最經(jīng)典嘅永遠系最好食嘅味道。
除咗X羊，我哋嘅童年仲有咩雪糕？你又有幾耐未見過佢哋嘅身影。
粒豆棒冰
美X樂系同X羊一樣歷史悠久嘅雪糕品牌，但比較少人知。
粒豆棒冰系我童年夏天必備，入邊有勁多紅豆/綠豆粒，咬落去啖啖都系香甜豆粒，雪條之中最好食最抵食！
彩月追云杯
如果唔系搵資料，我都唔知原來佢有個好詩意嘅名，叫彩月追云杯。雪糕好香滑，但口味整體偏甜，細路仔會更加中意。
魔術杯
雖然我到依家都唔明白，點解呢種雪糕叫魔術杯，不過依然抵擋唔住我對佢嘅喜愛。喺接觸M記甜筒之前，佢系我人生食嘅第一個甜筒。
千層雪
雪糕中嘅“千層面”，香脆朱古力搭配濃滑松軟雪糕，真系一流！
?
以前覺得好神奇，點解雪糕可以整成呢種形態(tài)，后來專門睇到制作視頻，全程睇得好治愈！
綠舌頭
最魔性嘅雪糕，軟淋淋又有彈性，而且會越食越長，越食越欲罷不能。有時候突發(fā)奇想會覺得，食綠舌頭系咪等于舌吻……
所以我嘅初吻系畀咗支雪條？！
八次方
有人對佢極其厭惡，有人對佢趨之如騖，我系后者。
從八次方身上，我學識咗兩樣嘢，一系耐心，食八次方一定要放幾分鐘再食，否則啲雪糕都凍到你講唔出聲；二系分享，冇辦法，一個人真系好難食曬八塊……
糯米糍雪糕
糯米糍雪糕有幾種牌子，我食得最多系阿X羅，直到依家，我都好感謝第一個將糯米糍同雪糕結合嘅人，因為真系好好食！
玉米香
多年前，我一直好迷茫，玉米香咁好食，點解設計咁反人類！我每次都食到全只手都系雪糕！
多年之后，我睇到玉米香嘅正確食法……
花生大少
花生大少嘅味道同X羊雖然差唔多，不過有勁多花生，而且平過X羊五毫（我童年嘅價格），所以有好多細路都中意食。
各位自己友，
你童年摯愛嘅雪糕系咩？
圖片素材來源于網(wǎng)絡
本文看點由羊城網(wǎng)原創(chuàng)
最新評論