@吖鴨

阿媽每次聽到我打思噎，就會同我講連飲16啖水就冇事喇。從細到大，萬試萬靈！唔知有冇其他方法呢？

?打思噎：打嗝，也可以寫作打思肊、打思噎、打思嗌、打司肊。

@番瓜

細個唔識食魚周不時啃到魚骨，阿媽每次就喺我頭頂反扣個碗用筷子敲碗底，嗰個視聽感覺，仲犀利過依家5D電影！

結(jié)果當然就梗系毫無用處喇！發(fā)生呢啲事真系直接去搵醫(yī)生最好喇！

@光頭強

如果以形補形真系有用嘅話，我依家都唔使光頭喇！

有名你叫光頭強，細個阿媽成日同我講食多啲黑芝麻，頭發(fā)先會變黑，好似人哋X柔啲姐姐噉。但系我依家根本生唔出頭發(fā)！

仲有話咩食蔥變聰明，飲奶會生高，全部都系呃我嘅！除咗橫向發(fā)展，我海拔依然保持不變！你話邊個夠我慘？！

@門牙

因為細個阿媽同我講畀蚊咬起蚊赧，用十字封印佢就唔會痕。所以依家養(yǎng)成壞習慣，逢親蚊赧都要封印佢。

依家大個咗就梗系知道冇鬼用喇！

▲隱藏著黑暗力量嘅蚊赧，等我嚟封印你！

?蚊赧：蚊子叮咬后的疹塊，赧讀音“naan3”，音同難第5聲。

@猛漢的男人

我知實有好多人同我一樣飲過呢樣嘢??！

以前邊有依家咁好環(huán)境，細個咳咗成個月，屋企人以為有鬼搞我！然后叫啲師傅嚟睇，跟住飲咗三日佢哋所講嘅開過光嘅符水，其實有冇效果，我真系唔記得，不過啲符水又真系幾好飲。

@Allen

其實夏枯草煲豬橫脷，真系好正常嘅一樣嘢，雖然話啲湯黑墨墨，鬼死咁冇食欲，不過瞇埋眼“咕”一聲吞咗佢都冇眼屎干凈盲。

弊就弊在我喺煲湯度撈起成條因為熬煮而逐漸變黑嘅豬橫脷！我幼小純潔嘅心靈就噉樣畀條豬橫脷玷污咗喇！

?黑墨墨：黑不溜秋。墨音“mak6”。

@瓶平

我同你哋講，支吹雙飛人、風油精都唔算犀利，我仲支吹過十滴水！呢世仔都記住佢朕味！我懷疑我真系充話費送嘅，細個流鼻血我老母仲試過滴白蘿卜水入個鼻度，真系唔知佢邊度聽返嚟嘅偏方！簡直令我生不如死！

@獨孤冇劍

有陣時，有啲嘢，整定嘅。

細個感冒，唔知阿媽定系嫲嫲聽埋啲唔知咩偏方，話大蕉皮煲蠔豉可以醫(yī)重感冒，當你以為大蕉皮煲蠔豉系黑暗料理嘅時候，食過先知“真香”。

@檐蛇守護隊

大家都知細路好容易有百日咳喇。

而我偉大嘅母上大人，就試過逼我飲檐蛇煲水。你冇試過，永遠唔會知道到底有幾有效，直接斷尾。從此之后，我就奉檐蛇為我嘅救命護法，經(jīng)常感恩在心！

@?Venn

作為已經(jīng)20+歲嘅后生仔，當我聽到我老母同我講甴曱煲水可以醫(yī)小兒驚風嘅時候，我覺得我好咗嘅小兒驚風又復發(fā)。

我真系跪求各位老竇老母爺爺嫲嫲，請你哋相信科學！甴曱真系好污糟！講起都起雞皮！

@?

好彩依家科技發(fā)達，喉嚨痛咳食粒藥就好得返。細個我嫲嫲就試過整咸竹蜂水畀我醫(yī)喉嚨痛。

但系我唔知系咩咪幾好咯！不知者不罪啊嘛，偏偏畀我睇到碗水上面漂住只類似蜜蜂一樣嘅物體，點解唔可以整走只竹蜂！我真系驚到以為畀人落降頭啊X！

▲圖片過于血腥，已貼心打碼。

@生到咁大真系幸運

曾經(jīng)聽過我阿媽同我講，我嫲嫲喺我阿哥細個嘅時候唔知邊度聽到一個偏方，話甴曱腸專門治喊驚，我當時聽到嘅時候真系唔方唔驚咯！

仲有，甴曱條腸真系咁容易整出嚟？！要幾多條腸先夠？

@叉燒包

以前成面都系暗瘡，然后阿媽唔知喺邊度聽到話生剁泥鰍可以醫(yī)暗瘡。

相信年少無知嘅你同我都以為最多敷喺塊面度，但！事！實！上！我阿媽想我生吞泥鰍！我覺得日本人如果見到呢一幕都會非常驚訝！

@大超

俗話講得好：苦口良藥。只有意志堅定的人才能到達彼岸！

不過如果你試過食臭屁蟲，包保你當場就可以升仙！話可以驅(qū)風對風濕病好，不過真系只想同佢講拜拜，食完直接升天唔怪之得有好處。

@翠姨

舊時啲瓦背頂啲貓屎干咗之后攞嚟撞姜水，專門治哮喘。仲有童子尿浸雞蛋，浸夠100日之后每日早上定時八點食，都治哮喘同痰上頸。

@屎都唔敢食，你點話自己廣東人！

細細個嘅時候聽老母同嫲嫲講，細路仔生積要食屎坑入面啲屎！知道自己要食屎之后，真系唔敢立亂食嘢，唔系嘅話分分鐘要畀老母捉去食屎！

其實所謂嘅屎，系屎坑入面掛住嘅嗰啲污跡，俗稱嘅人中白同人中黃！甚至仲聽過有啲村民為咗呢啲屎大打出手！真系犀利……（嘔）

生積：細路仔唔想食飯嘅時候，就系中醫(yī)所講嘅疳積。