今時今日，部分酒樓依然堅持“一日五市”嘅傳統(tǒng)，又稱為“三茶兩飯”，即系早茶、午飯、下午茶、晚飯同夜茶。

廣州人嘅飲食習慣里面，午飯同晚飯非常重要，今日就嚟八一八，喺酒樓食飯嘅一系列“暗語”！

去到酒樓，首先見到嘅肯定系咨客，咨客會主動上前熱情招呼“老世，幾多位？”然后就會帶到座位，但系有時嗰張枱并唔系自己想坐嗰張…

但系都有呢種情況：同樣系去酒樓飲茶食飯，有啲人同咨客“打個眼色”，然后直接走去自己想坐嘅枱。其實并唔系咨客“大細超”，只不過呢啲都系幫襯開嘅熟客，同咨客、服務員都好熟。

呢個盤，并唔系用嚟裝食物；呢壺滾水亦都唔系要嚟飲，而系要嚟“淥碗筷”，而個盤就系用嚟裝淥完碗筷嘅水。

關于“淥碗筷”呢個傳統(tǒng)，有幾種說法：

1、消毒。

2、水為財。（用滾水淥完之后，碗筷上面都沾住“水”，亦即系“沾住財氣”，好意頭！）

3、進食時嘅口感。（用開水淥完之后，碗筷依然溫熱，據(jù)說呢種溫度嘅筷子夾起食物，擺入口中，比起冰冷嘅筷子更加美味?。?/span>

淥完碗筷之后，就可以點菜。廣州人好少叫“服務員”或者“經(jīng)理”，取而代之系叫“靚女”。

無論同家人、朋友食飯，都有餐桌上面嘅禮儀，例如有人幫你斟茶嘅時候，你必須行“手指叩桌”之禮（都叫做“叩指謝茶”。食、中兩指并攏，手指前端輕輕敲枱幾下），以示感謝。

關于“叩指謝茶”，其實有段古：話說乾隆同佢契仔周日清微服出巡嚟到江南地區(qū)，乾隆下令所有人都唔可以行“君臣之禮”，暴露身份。有一日去到“茶居”飲茶，乾隆畀店小二嘅“大銅煲”斟茶技術吸引，于是自己都試咗下，幫契仔周日清斟茶，周日清十分為難，但又唔可以暴露身份，情急之下于是就同手指敲枱，代替叩頭謝恩之禮。

?

后來呢個民間傳說傳開咗，就成為咗羊城嘅一個民間禮數(shù)。

“茶滿欺人”呢個講法，系指斟茶八分滿即可，茶斟得太滿，系對客人嘅不敬。亦都系廣府人“茶半酒滿”嘅習俗。

客人飲茶飲得開心，茶水自然飲得快，如果廣府人想搵服務員加水，唔會開口叫，而系揭開茶壺蓋。服務員見到茶壺嘅蓋系打開嘅，就會意知道系要加水。

呢種加水暗語其實都有段古：話說清朝一個滿族二世祖，成日游手好閑，有一次賭輸錢，但系公糧又未到，于是就帶埋佢養(yǎng)嘅鵪鶉去一間茶樓“敲詐”，將自己只鵪鶉放喺茶杯里面，然后叫店小二加水，小二一打開茶壺蓋，只鵪鶉就即刻飛走咗，二世祖成功敲詐。

?

后來茶樓老板學精咗，明文規(guī)定要加水嘅客人要先將自己嘅茶壺蓋打開，小二見到之后先會加水。于是就成為廣府嘅習俗。

去酒樓食飯，點完菜、人到齊之后，就可以“埋位”，然后叫服務員“起菜”。

埋位：每個人都坐返自己嘅座位，等上菜開飯。

起菜：即系叫服務員上菜。

“昭君位”系指一圍枱里面用嚟上菜嘅空位。因為“昭君出塞”嘅“出塞”粵語同“出菜”同音，所以就將呢個上菜嘅位稱為“昭君位”。

廣府人對“人頭飯”相信都唔會陌生，外省朋友第一次聽到呢個詞，可能會嚇一跳。“人頭飯”嘅意思系“按人頭數(shù)量，上相應咁多碗飯”。

“人頭”只系用作量詞。

相聚食飯，若然有東主請客，埋單就由東主一個人“睇數(shù)”！但若然大家都唔好意思要一個人畀錢，唔緊要，咪“AA制”咯。“AA制”喺廣府文化里面就叫做“田雞東”，田雞，又叫“蛤乸”，因為“蛤”字同“佮錢”嘅“佮”發(fā)音相近，即系“大家佮份，一齊做東”嘅意思。所以“AA制”嘅飯局都成為“田雞局”。

飲飽食醉、埋完單之后，若然賓客朋友仲唔想走，可以留低繼續(xù)傾偈敘舊。但系先要將茶壺蓋反扣，表示呢餐飯已經(jīng)埋咗單。服務員行過，見到茶壺蓋反扣，就會知道已經(jīng)埋咗單，以免誤會。

快啲學曬呢啲“酒樓暗語”，

就算系外地人，都即刻變成地道廣府人！

綜合自：《地道粵語》、《童說嶺南-廣飲廣食》

《廣州方言民俗圖典》、《嶺南詞典》

?

童說嶺南系列叢書

?

《街巷探秘》、《廣飲廣食》、《小腳走古跡》

同小朋友一齊分享好多廣州人都唔知嘅古仔！