廣州人同榕樹好有感情，而廣州城區(qū)亦有唔少古榕樹，保護佢哋嘅錢，系唔慳得嘅。

?

榕樹以樹高、葉密、冠大而著稱。常言講，獨木不成林，但榕樹就例外，佢有“獨木成林”嘅特點，就算一棵細樹，枝葉散開直徑就有成個籃球場咁大，大樹就更唔使講喇。正因為佢份份大，所以，好適合廣州呢種日曬多嘅地區(qū)種植，因為大樹底下好乘涼。

以前冇咁多高樓大廈，嗰時大家都系住喺街巷，而每條街巷都會種有一棵大榕樹，樹下面擺咗幾條大麻石，街坊習慣將嗰度叫做“榕樹頭”。平時大家茶余飯后都中意聚喺“榕樹頭”唞涼傾偈，呢種情景對于老廣州嚟講記憶猶新。

廣州人喜種榕樹已經(jīng)有好長歷史，唔少地方嘅老樹都系以榕樹為主，海幢公園至今仲種住一棵330歲嘅廣州最老榕樹，而喺大街小巷至今仲保留咗好多“榕”文化，比如六榕寺、六榕路、榕樹巷、水榕路、七株榕，呢啲地方都系因為榕樹而得名。

明末清初著名學者、番禺人屈大均曾經(jīng)咁講過：“故夫望其鄉(xiāng)，有喬木森然而直上者，皆木棉也;有大樹郁然而橫垂者，皆榕也”，所以，如果講廣州嘅市花系木棉花嘅話，咁“市樹”一定非榕樹莫屬。

保護好“市樹”，亦都系建設“綠化廣州”好重要嘅工作！

來源：花城網(wǎng)（ID：gz_huacheng）